لضيقة اللي دايما تالي عصير
وش حيلتي واردها لا تجيني
لا طل ظل العود حزة عشا الطير
كنها على سجن الحديد تحديني
لا حولتا مشراف ولا أقدر اطير
يالله قسمة خير لا تبتليني
وعقارب الساعه وتوقف عن السير
ماكن في الكويت سواتي حزيني
والعبرة اللي تاصل الحلق وتحير
ياقربها لو قيل لي ياعويني
أمل شوف الناس ورد ومصادير
ومنهو يقول وش فيك كنه يهجيني
يعني على ماقيل من باب تصوير
لا أحدن ابي قربه ولا حدن يبيني
اروح أدور خط مابه دواوير
وادور اللي هادها تهتديني
واخذ مع الهاجوس سجه وتفكير
واراجع اللي مافات وبيني وبيني
واحسب ذنوبي وادور لتكفير
عساي ماقصرت في والديني
وعساي ماقارنت من ينفخ الكير
ومنهو يحمل المسك جعله قريني
المزاج
