أسااسيات .. ألطله الكامله

حبيت الكل يستفيد من هالمعلومات : )
.
.
بهالموضوع راح احكي ان شاءالله عن :

1- الاساسيات اللي مفروض تراعينها في كل طله تطلعين بها
خلي في بالك ان هالشي لصالحك انتي , وانك تسوينه لنفسك انتي لانك تحبينها
قبل لا تسوينه عشان الناس
متى ما حبيتي نفسك , ما راح تسثقلين تسوين هالاشياء

و راح احكي عن :
2- طريقة التنسيق
بداية باللبس ..

اختيار نوع القماش و المقاس الصحيح

كثير يغلطون بهالنقطه
واكثر ما يخطؤون فيه قماش السترتش
لان كثير يلبسونه وهم مو ضعاف .. ويلبسونه مع موديل ضيق
وناس تلبسه والكلوت والمشد والعده كلها تبين

برضو الضعاف مره احيانا يلبسون فساتين واسعه عليهم بشكل واضح
واكثر منطقه تبين هالشي منطقة الكم من فوق .. عند الابط
تكون واسعه كثيرررر وتبين الستيان من جوا

فتحة الصدر
يا حبايبي راعوا فتحة لبسك من فوق !
انتبهي تبين الستيان ولو جزء بسيط منها ..
اكبر مشكلة اشوفها بهالبنات هالشي
راعي بالمناسبات تشترينلك نوع خاص بهالاماكن ..
خذي لون لحمي .. لها سير او مالها ، شفافه .. الخ
كثير بنات يغفلون عن هالنقطه مع انها جدا مهمه وتخرب طلتك كلها
لاتقولين لبسي مب مبين بلبس أي شي
ولا تاخذينلك وحده حقت بيت وما ترز .. او واسعه عليك
راعي تاخذين المقاس المناسب لك ..
وبرضو حاولي تكثرين من الساده .. لان كثير بنات لاحظتهم ينسون يبدلونها وهم لابسين لبس فاتح يبين انها مشجره او مقلمه وتطلع مش ولا بد
ببعد مقاس فتحة الصدر
لا تبالغين فيها واحترمي الاخرين , !

طول لبسك ..
سواء بنطلون , تنوره , او عبايه

لا تخلينها تسحب وتبهذلك وتبهذل شكلك
راعي الطول المناسب
العبايه
خليها فوق الارض بشوي .. اهم شي ماتحك في الارض عشان تكون مريحه لك بالمشي وماتتوصخ : )

التنوره
مثلا للجامعيات انتبهي تلمس الارض
فوق الارض بشوي , عشان ما تتوصخ عليك !

البنطلون
كثير بنات يخلونه عل نفس طوله ويصير مغطي كل الرجول يالله تبين اطراف الاصابع
انتبهي لطوله وان لقيتي واحد عجبك بس طويل , ما يخالف وديه الخياط وخل يقصره لك
مشكلة الطول نادر ماتلقين واحد مضبوط
عشان كذا ارجح السكيني وملحقاته .. اهم شي من تحت

وبعد اذا كان واسع عليك من فوق .. اشتريلك حزام
لان ما راح يكون شكلك حلو وانتي كل شوي ترفعينه
اشتريلك حزام ناعم وساده ولون محايد, وخليه عندك يفك ازمات

كيلون ( او التايت … )
انتبهي ما يكون مشقوق ولا شي .. مب تقولين بالطقاق وعادي

لا تطلعين أبدا بأي لبس .. مغبر , مبقع , فيه شق صغير , فيه لون …
احيانا الناس ما تتذكر الا الاشياء اللي مو حلوه بالشخص „ وانتي دايما عطي انطباع حلو عنك

انتبهي لبجامتك !
كثير يطلعون السوق وغيره ببجامات وعادي عندهم لو بينت بعد
اذا انتي من هالنوع . حاولي تشترين ترنقات زي هذا
او بجامات ساده والوانها هاديه عشان لو بينت , يبين شي مرتب
مو دباديب وقلوب
برضو لا تقعدين بأي بجامه مشققه ولا حالتها صعبه
و زي ما قلت „ حبي نفسك ودلعيها
البسي كل شي حلوه حتى لو كانت بجامه ومحد بيشوفك

لا تطلعين لمكان بدون شنطه ..
اقلها بوك
مافي زي الشنطه تحلي شكلك ..
اذا انتي من النوع اللي مايحب يشيل شنط خذيلك شنطة عالجنب
حلوه ومريحه „ سواء سوق او سفر او …

وبعد انتبهي لشنطتك من ناحية اذا مشقوقه ولا مبقعه بالحبر ولا طايحه حدايدها ولا شي
واذا انتي من النوع اللي يشتري شنطك كثير ويحب يريح نفسه
خذيلك لون عملي ومايل للغامق عشان ماتتوصخ عليك
ومافيه حدايد او اشياء رفيعه كثير عشان ما تطيح او تنقطع بسهوله
انتبهي لنوعية قماشها ..
اذا جلد .. جلد كويس او لا عشان ما يتقشر عليك
قماش خفيف ينشق بسرعه او يتأثر

وزن الشنطه „ بعضها تكون متعبه وثقيله
طريقة حملها
خيذلك شي يناسب وتقدرين تنوعين فيها
مره عالكتف ومره باليد ومره ممكن على جنب لو كان لها سيرين

تأكدي انها تكون واسعه وتشيل اشياء كثير وفيها عالاقل جيبين الى ثلاث

اظافرك ..
لا تطلعين ابدا بمناكير مقشره , وحاولي تحتارين الالوان الحلوه والراقيه
واللي تناسب كل شي اهتمي بأظافرك واللحم اللي حولها شيليه .. دايما نطفيها ورتبيها

اذا انتي من النوع اللي يسوي حواجبه.. احرصي انك تسوينها على طول
لا تستخدمين الاضاءه تحت الحواجب اذا كنتي تشقرين شعر كثير لانها ماراح نطلع حلوه
ولا ترسمينها بالكحل نفسه حق العيون
لان سواده ما يناسب للحواجب .. في الوان ودرجات للاسود خاصة بالحواجب وتجي فاتحه شوي

مكياجك
دائما انتبهي لمكياجك
وشيكي على كحلتك كل شوي
بعضهم وهم مايدرون , تلقين الكحل لين نص الخد مع الحر ساح
او روجها نصه منلحس واذا رجعتي من المناسبه اللي كنتي فيها
امسحي مكياجك دائما ولا تنامين فيه عشان بشرتك ماتخرب
اهتمي للارواج .. حاولي قد ماتقدرين تحطين روج دائما وابدا
لو لابيلو اهم شي شفايفك يطلع فيها لون .. ولا تكون شهبه

شعرك
اذا كنتي مسويه تسريحه
لاتنسين تتأكدين انك شلتي كل البنس اللي فيه , او شبكه او أي شي
ودايما شيكي عليها لا يكون فيه بنسه ناشبه ولا متدلدله ولا شي , وثبتيها كويس

في أي مناسبه كنتي ..
لا تطلعين المرايه قدام الكل وتتمكيجين ..
حاولي تروحين دورات المياه وتعدلي براحتك

كماليات

اذا رحتي لاي مناسبه خلي معك كيس للعبايات حلو ومرتب
مع ان الناس ما عاد صارت تقصر في الزواجات وغيره
بس احتياطا
وعشان ماتنسينه جهزيه وسفطيه وخليه بشنطة السهره
وخلي واحد ثاني للمناسبات الباقيه للشنظ الثانيه

اذا انتي من النوع اللي يعرق كثير
انتبهي وراعي للالوان ولاقمشه ااذا جيتي تشترين
عشان مايبين العرق
وبإمكانك تعالجين هالمشكله بمراكز التجميل

أي شعر بالوجه ينشال ..ما عدا الحواجب
لاتطلعيين للناس بشنبك .. ولا تخلينه مشقر بعد لانه بيبن
دائما اهتمي

ثانيا :
مسألة التنسيق باللبس

افضل طريقة وعن تجربه ..
تقيسين اختياراتك باختيارات بالمشاهير
سواء من مصممين او ممثلين وغيرهم

بالنسبة لكماليات اللبس
من تسريحة وشوز وشنطة وميك اب
شوفي هوليوود كيف مطقمين
وامشي على مسارهم
ممثلا .. لبسوا بيج
وش بيحطون الوان الروج ؟؟
ممكن في بالك يطرا على طول , بحط احمر
بس لو خذتيلك لفه على تنسيقهم
بتلقين ان
بعضهم يحطونه بيج وبعضهم ممكن احمر… الخ
وبكذا بتكون المجالات اكبر واوسع بالنسبة لك
وبتنوعين وبتصيرن عندك افكار اكثر

ممكن يكون عندك طقمين
بدال مايكون ستايلك واحد كل مالبسيتهم
تقدرين تنوعين
مره مع اللبس الاول روجك احمر او عنابي وشوز بيج
ومره مع اللبس الثاني روج بيج وشوز مشجر

مو كل ما لبستي بيج بتطقمين معه نفس الكماليات
وبكذا تكونين حسنتي ذوقك
ونوعتي بشكلك
على مقياس الخبراء والمشاهير ..

أتمنى أفدتكم : )

» الثوم _ الصيدليه الكامله < سبحان الله